Í síðustu viku fóru börnin á Nónholti í tvær ferðir inn í Hafnarfjörð. Fyrst fóru þau í heimsókn í Sívertsen hús, sem er hluti af Byggðasafni Hafnarfjarðar og elsta hús bæjarins. Í desember ár hvert er leikskólahópum á elstu deildum leikskóla boðið að koma í Sívertsens-hús, fræðast um húsið, fólkið sem þar bjó, jólin í gamla daga og fá í lok heimsóknar að hitta óvæntan gest.
Seinni ferðin var á Fjörukrána í kakó og meðlæti sem móðir á deildinni bauð börnunum í.
Hafnarfjörður er kominn í jólaskrúða og þessar ferðir skemmtilegar á aðventunni ekki síst er ferðalagið með strætó skemmtun í sjálfu sér.